Velkomin

Vertu velkomin(n) í forkeppni Netöryggiskeppni Íslands, Tíuna. Markmið Tíunnar er að efla áhuga á netöryggi á Íslandi auk þess að velja fulltrúa Íslands fyrir Netöryggiskeppni Evrópu. Ítarlegri upplýsingar um Tíuna má finna á 10an.is.

Þeim þátttakendum, sem standa sig best í forkeppninni, verður boðið að taka þátt í landskeppni Tíunnar.

Fyrir hverja er keppnin?

Öllum er frjálst að taka þátt í forkeppninni! Þú getur skráð þig til þáttöku hér.

Athugið að aðeins þeir sem hafa þátttökurétt í ECSC verður boðið að taka þátt landskeppni Tíunnar. Þeir sem hafa áhuga á að taka þátt í landskeppninni verða að taka fram kennitölu og nafn við skráningu. svo hægt sé að staðfesta aldur. Öðrum er frjálst að gera það, en þessar upplýsingar verða ekki birtar opinberlega.

Verkefnin

Verkefni keppninnar eru af ýmsum toga og öllum erfiðleikastigum, svo allir ættu að finna sér eitthvað við hæfi. Verkefnin gefa mismörg stig, en stigafjöldinn er metinn út frá áætluðu erfiðleikastigi verkefnisins. Það skal þó ekki taka því sem fullkomnu mati á erfiðleikastigi, sérstaklega á milli flokka, enda er erfitt að leggja hlutlægt mat á erfiðleikastig verkefna.

Af hverju er keppnin á ensku?

Allar keppnir Tíunnar eru haldnar á ensku og fyrir því eru margar ástæður. Ein helsta ástæðan er sú að upplýsingatækni, þ.m.t. netöryggi, er svið þar sem enska ræður ríkjum. Því er auðveldara að leita sér upplýsinga og aðstoðar ef efnið er sett fram á ensku. Þar að auki er Tían hugsuð sem forkeppni Íslands fyrir Netöryggiskeppni Evrópu, en sú keppni fer fram á ensku.

Kynntu þér reglur keppninnar